ຈັບໂຈນດຶງກະເປົາສາວ ເຂດໂພນສີນວນ ນະຄອນຫຼວງວຽງຈັນ

ຊົມເຊີຍເຈົ້າຫນ້າທີ່ ທີ່ຈັບໄດ້ໂຈນດຶງກະເປົາສາວ ລາກຕາມພື້ນທາງເຂດໂພນສີນວນ ໃນເດືອນຜ່ານມາ

ສຸດທ້າຍກໍ່ໄປບໍ່ລອດຖືກເຈົ້າໜ້າທີ່ເມືອງສີສັດຕະນາກຈັບໂຕໄດ້ແລ້ວ, ໂຈນສອງຄົນທີ່ມາດຶງກະເປົາສາວຢູ່ເຂດໂພນສີນວນ ເມືອງສີສັດຕະນາກ ນະຄອນຫຼວງວຽງຈັນໃນຕົ້ນເດືອນກໍລະກົດຜ່ານມາ.

ໃນເຫດການຄັ້ງນັ້ນ ສາວຜູ້ປະສົບເຫດການໂຈນດຶງກະເປົ໋າແມ່ນກຳລັງລົງຈາກລົດເພື່ອຍ່າງຂ້າງທາງ ຢູ່ດີໆກໍ່ມີໂຈນ 2 ຄົນແລ່ນມາໃກ້ໆ ທັນທີນັ້ນມັນກໍ່ລົງມືດຶງເອົາກະເປົ່າຢ່າງຮຸນແຮງ ແຕ່ສາວຕັ້ງສະຕິໄດ້ຈັບສາຍກະເປົ໋າໄວ້ຢ່າງແໜ້ນບໍຍອມປ່ອຍ ຈິ່ງຖືກພວກໂຈນລາກໄປຫຼາຍແມັດສົມຄວນ ແຕ່ມີຄົນທີ່ຢູ່ເຂດນັ້ນເຫັນພາກັນແລ່ນໄປຊ່ວຍ ໂຈນເຫັນທ່າບໍດີຈິ່ງປ່ອຍເຈົ້າຂອງກະເປົ໋າແລ້ວແລ່ນໜີໄປ. 

ເຫດການທີ່ເກີດຂຶ້ນ ໂຊກດີທີ່ສາວຜູ້ເຄາະຮ້າຍໃສ່ເສື້ອແຂນຍາວຈິ່ງເກີດແຜນລອກພຽງເລັກນ້ອຍຕາມບໍລິເວນແຂນຂາເທົ່ານັ້ນ ແຕ່ກໍ່ເຈັບໂຕໄປຫຼາຍເຕີບຍ້ອນພວກໂຈນໃຈບາບເຫຼົ່ານີ້.

Cr.ABC Laos news ສຳນັກຂ່າວເອບີຊີລາວ